Bybit Kazakhstan платформасындағы Ішкі аударым арқылы шығару әдісі пайдаланушыларға активтерін басқа Bybit Kazakhstan аккаунттарына комиссиясыз және бірден аударуға мүмкіндік береді. Егер активтеріңізді басқа биржаға немесе әмиянға шығарғыңыз келсе, ончейн шығару әдісін пайдалануыңыз қажет. Толығырақ ақпарат алу үшін «Ончейн (Тізбектегі) шығару өтінімін қалай жіберуге болады» нұсқаулығын қараңыз.
Төменде Bybit Kazakhstan платформасында Ішкі аударым арқылы активтерді шығару бойынша қадамдық нұсқаулық берілген.
1-қадам: Bybit Kazakhstan басты бетінің жоғарғы оң жақ бұрышындағы Активтер бөліміне меңзерді апарып, Шығару/Шешу батырмасын басыңыз.
Баламалы түрде, Қаржыландыру аккаунтына кіріп, шығарғыңыз келетін валютаның бағанындағы Шығару/Шешу батырмасын басуға болады.
Ескертпелер:
- Әрбір монета бойынша Шығару/Шешу батырмасы тек Қаржыландыру аккаунты арқылы ғана қолжетімді.
- Егер активтеріңіз қосалқы аккаунттарда (субаккаунттарда) орналасқан болса, алдымен Аудару батырмасын басып, Субаккаунттар арасында қойындысын таңдау арқылы оларды негізгі аккаунтыңызға аударыңыз.
2-Қадам: Шығару өтінімін жіберу үшін келесі параметрлерді таңдаңыз немесе толтырыңыз:
а. Монета: Шығарғыңыз келетін монета түрі
б. Шығару әдісі: Ішкі аударым
c. Алушы аккаунты: Алушының электрондық поштасын, UID нөмірін немесе ұялы телефон нөмірін енгізіңіз
d.Сома: Шығарғыңыз келетін соманы енгізіңіз немесе толық шығару үшін Барлығы батырмасын басыңыз
e. Аккаунтты таңдау: Қай аккаунттан шығару жасағыңыз келетінін таңдау үшін тиісті ұяшықтарды белгілеңіз. Қаржыландыру аккаунтынан, Бірыңғай сауда аккаунтынан немесе екеуінен де шығара аласыз
f. Растау батырмасын баспас бұрын барлық ақпараттың дұрыс екеніне көз жеткізіңіз
Ескертпелер:
— Ішкі аударым арқылы шығару тек Жеке тұлғаны растау (Identity Verification) рәсімінен өткен Bybit Kazakhstan аккаунттарына ғана жүзеге асырылады.
— Сондай-ақ, Қосу батырмасын басу арқылы электрондық пошта мекенжайын, UID немесе ұялы телефон нөмірін әмиян мекенжайлары кітабына қоса аласыз. Толығырақ ақпарат алу үшін Шығару әмиянының мекенжайын қалай қосуға болады нұсқаулығын қараңыз.
— Егер Бірыңғай Сауда Аккаунтындағы активтер бойынша ішкі аударым жасасаңыз, шығару процесі үшін қаражат алдымен автоматты түрде Қаржыландыру аккаунтына аударылады.
— Егер сізде ашық позициялар немесе маржалық қарыз болса, Бірыңғай Сауда Аккаунтынан қаражат шығару сіздің жойылу (ликвидация) тәуекеліңізді арттыруы мүмкін екенін ескеріңіз.
3-қадам: Қалқымалы терезеде Жіберу батырмасын басыңыз, сонда сіз шығару верификациясы бетіне бағытталасыз.
Егер алушының электрондық поштасы және/немесе ұялы телефон нөмірі әлі расталмаған болса, келесі екі растау қадамы қажет болады: электрондық поштаны растау және Google аутентификациясы. Шығару қауіпсіздігін басқару туралы толығырақ ақпарат алу үшін тиісті бетті қараңыз.
a. Электрондық поштаны растау коды: Растау кодын жіберу батырмасын басыңыз, сонда электрондық поштаны растау коды тіркелген пошта мекенжайыңызға жіберіледі. Алынған растау кодын тиісті жерге енгізіңіз.
Кеңес: Егер хатты алмасаңыз, спам қалташасын тексеріңіз немесе Электрондық поштаны растау кодын ала алмау нұсқаулығын қараңыз. Растау хаты тек 5 минут ішінде жарамды.
б. Google Аутентификатор: Алған 6 таңбалы Google Authenticator 2FA қауіпсіздік кодын енгізіңіз.
Сіздің шығару өтініміңіз сәтті жіберілді!
Ішкі аударым тарихын көру үшін Қаржыландыру аккаунты → Тарих бөліміне өтіп, Шығару әдісі бағанынан Ішкі аударым таңдаңыз. Егер сіз алушы болсаңыз, Депозит → Депозит әдісі бағанынан Ішкі аударым таңдаңыз.
