Travel Rule дегеніміз не?
Travel Rule — бұл жаһандық стандарттарға сәйкес реттеуші талап. Ол Цифрлық Активтер Қызметін Ұсынушыларды/Провайдерлерді (ЦАҚҰ) цифрлық активтермен жасалатын транзакциялардың инициаторлары/бастамашылары (жөнелтушілер) және бенефициарлары (қабылдаушылар) туралы нақты ақпаратты жинауға міндеттейді.
ЦАҚҰ дегеніміз не?
DASP (ЦАҚҰ) — Цифрлық Активтер Қызметін Ұсынушы дегенді білдіреді. Бұл цифрлық активтерге қатысты қызметтерді, соның ішінде айырбастау қызметтерін, аударым қызметтерін, кастодиандық қызметтерді немесе өзге де байланысты қызметтерді ұсынатын кез келген бизнес немесе ұйымды білдіреді.
Цифрлық Активтер (ЦА) дегеніміз не?
Астана Халықаралық Қаржы Орталығының (АХҚО) Глоссарий мәліметтеріне сәйкес, Цифрлық Актив — бұл мынадай сипаттарға ие құндылықтың цифрлық көрінісі:
- цифрлық түрде саудалануы мүмкін және (a) айырбас құралы; немесе (b) есеп бірлігі; немесе (c) құн сақтау құралы ретінде қызмет атқарады;
- Фиат Валютаға айырбасталуы және қайта айырбасталуы мүмкін, бірақ ешбір юрисдикцияның үкіметі тарапынан шығарылмаған немесе кепілдендірілмеген, және
- жоғарыда көрсетілген функцияларды тек осы Цифрлық Активті пайдаланушылар қауымдастығы ішіндегі келісім негізінде ғана орындайды; және сәйкесінше
- Фиат Валютадан және Электрондық Ақшадан (Е-ақша) ажыратылуы тиіс.
Цифрлық Активтер крипто активтерді, стейблкойндарды, қызметтік токендерді, құпиялық токендерін, цифрлық актив деривативтерін және ұқсас құралдарды қамтиды.
Travel Rule не үшін қажет?
Travel Rule мақсаты — ашықтықты арттыру және қаржылық қылмыстармен күресу, соның ішінде крипто кеңістігіндегі ақшаны жылыстатудың, терроризмді қаржыландырудың және басқа да қаржылық қылмыстардың алдын алу. Ол цифрлық активтерді аудару кезінде Цифрлық Активтер Қызметін Ұсынушының (ЦАҚҰ) нақты транзакция мәліметтерімен алмасуын қамтамасыз етеді.
Bybit Kazakhstan платформасында Travel Rule бар ма?
Иә, Bybit Kazakhstan сіздің крипто депозиттеріңіз бен қаражатты шығару транзакцияларыңыз туралы тиісті ақпаратты жинайды. Бұл талап жеке және корпоративтік клиенттерге, басқа крипто биржа сияқты Цифрлық Активтер Қызметін Ұсынушымен (ЦАҚҰ) транзакция жасаған кезде немесе кастодиандық емес әмиянға жібергенде не одан қабылдаған кезде қолданылады (мысалы, Metamask немесе суық әмиян).
Бұл маған Bybit Kazakhstan клиенті ретінде қалай әсер етеді? Қандай ақпарат ұсынуым қажет?
Travel Rule талаптарына сәйкес, крипто депозит және шығару транзакциялары үшін нақты ақпарат ұсынуыңыз қажет болады. Депозит және шығару транзакциялары бойынша криптоактивтер тек жүйе Bybit Kazakhstan ұсынған ақпараттың қарсы тараптың ЦАҚҰ-нан алынған мәліметтермен сәйкес келетінін растағаннан кейін ғана есепке алынады/түседі (яғни жіберушінің немесе алушының платформасы).
a. Крипто депозит
Басқа ЦАҚҰ-лардан жасалған депозиттер үшін Bybit Kazakhstan сізден декларация формасын толтыруды талап етеді және әдетте пайдаланушылардан әмиян мекенжайын верификациялауды талап етпейді. Жүйе Bybit Kazakhstan мен қарсы тараптың ЦАҚҰ-ы (жіберуші платформасы) арасындағы ақпараттың сәйкес келетінін растағаннан кейін, депозит Қаржыландыру Аккаунтыңызға есепке алынады/түседі. Алайда ерекше жағдайларда сізден әмиян мекенжайын верификациялауды аяқтау талап етілуі мүмкін екенін ескеріңіз.
Кастодиандық емес/суық әмияннан жасалған депозиттер үшін Депозитті Аккаунт Тарихы бетінде верификация сілтемесін ашу арқылы әмиян иелігін верификациялауды және декларация формасын толтыруды аяқтауыңыз қажет.
Егер депозит басқа адамның кастодиандық емес/суық әмиянынан жасалса, мекенжайды растау үшін верификация сілтемесін көшіріп, жіберушіге жіберуіңіз керек.
Верификация процесі сәтті аяқталғаннан кейін, депозит аккаунтыңызға есепке алынады/түседі.
б. Крипто Шығару
Шығару транзакциясын бастаған кезде, транзакция процесінің бөлігі ретінде Travel Rule декларациясын толтыру сұралады.
ЦАҚҰ-ға шығару кезінде қосымша верификация талап етілмейді және егер ұсынылған ақпарат алушы ЦАҚҰ ақпаратымен сәйкес келсе, шығару өңделеді. Дегенмен, ерекше жағдайларда әмиян мекенжайын верификациялауды аяқтау талап етілуі мүмкін екенін ескеріңіз.
Кастодиандық емес/суық әмиянға шығару кезінде Шығару Аккаунты Тарихы бетінде қолжетімді верификация сілтемесін ашу арқылы әмиян иелігін верификациялауды және декларация формасын толтыруды аяқтауыңыз қажет.
Верификация процесі сәтті аяқталғаннан кейін, шығару сұрауыңыз өңделеді және криптоактивтер аударылады.
Қандай ақпарат ұсынуым қажет?
Транзакция түріне байланысты төмендегі кестеде көрсетілген ақпаратты ұсынуыңыз қажет болады.
1. Депозит
Криптовалютаны Bybit Kazakhstan аккаунтыңызға депозит жасаған/жіберген кезде (яғни сіз қабылдаушы/бенефициар болған жағдайда), қажетті ақпарат қаражат көзіне байланысты болады:
2. Шығару
Криптовалютаны Bybit Kazakhstan аккаунтыңыздан шығарған кезде (яғни сіз жіберуші/бастамашы болған жағдайда), қажетті ақпарат шығару бағытына байланысты болады.
Ескертпе: Крипто депозит бойынша қандай да бір қосымша әрекет қажет екенін тексеру үшін Депозит Аккаунты Тарихы бөліміне өтіңіз, ал крипто шығару бойынша Шығару Аккаунты Тарихы бөліміне өтіңіз.
Travel Rule талаптарын орындау үшін қандай да бір қосымша деректер қажет бола ма?
Қалыпты жағдайда, ұсынылған ақпарат жеткілікті болады. Алайда кейбір ерекше жағдайларда әмиян иесінен верификация сілтемесін ашу арқылы әмиян иелігін растау процесін аяқтау талап етілуі мүмкін. Бұл транзакция түріне байланысты Депозит Аккаунты Тарихы немесе Шығару Аккаунты Тарихы бетінде қолжетімді болады. Егер әмиян басқа адамға тиесілі болса, сілтемені толтыру үшін әмиян иесіне жіберіңіз.
Ескертпе: Крипто депозит немесе шығару бойынша қандай да бір қосымша әрекет қажет екенін тексеру үшін Депозит немесе Шығару Тарихы бөліміне өтіңіз.
Әрбір депозит және шығару үшін верификациядан өтуім қажет пе?
Иә, жергілікті реттеушілік талаптарға сәйкес, әрбір депозит және шығару транзакциясы үшін верификация (тексеру) формасын толтыруыңыз қажет. Алайда болашақ транзакциялар үшін тиісті ұяшықты белгілеу арқылы “Келесі жолы бұл әмиян мекенжайы үшін верификация (тексеру) қажет емес.” опциясын таңдай аласыз.
Бір әмиян мекенжайын екі рет верификациялауым қажет пе?
Мекенжай бір рет верификацияланғаннан (расталғаннан) кейін, белгілі бір уақыт аралығында оны қайта верификациялау қажет болмайды. Алайда қандай да бір ақпарат өзгерсе, әмиян мекенжайын қайта верификациялау талап етілуі мүмкін.
Верификация (тексеру) ақпаратын жібергеннен кейін депозитім немесе қаражат шығару сұрауым неге өңделмеді?
Қажетті ақпаратты жібергеннен кейін, верификация процесі әдетте 48 сағатқа дейін созылады. Осы уақыт ішінде командамыз мәліметтерді қарап жатқандықтан, депозитіңіз немесе шығару сұрауыңыз күту күйінде қалады.
- Транзакция мәртебесінің мәліметтерін көру үшін Көмек белгішесін баса аласыз.
- Егер верификация мәртебесі 15 минуттан астам уақыт бойы күту күйінде қалса, верификация процесін жеделдету үшін Верификацияны Жылдамдату батырмасын баса аласыз.
- Тиісті командамыз сұрауыңызды алғаннан кейін верификацияны сәйкесінше өңдейді. Нәтиже электрондық поштаңыздың кіріс жәшігіне және push хабарландыру арқылы жіберіледі.
Депозит үшін Travel Rule верификациясын болдырмауға бола ма/тоқтата аламын ба?
Иә. Депозитіңіз бойынша верификация әлі жіберілмеген немесе қаралмаған жағдайда, оны болдырмауға болады/тоқтата аласыз.
Веб-нұсқада Депозит Тарихы бетіне өтіп, Көмек белгішесін басыңыз.
Қосымшада Депозит Тарихы бетінен депозит мәліметтері бетіне өтіп, Travel Rule-ді Тоқтату батырмасын басыңыз.
Болдырмағаннан/Тоқтатудан кейін, қаражатты қайтаруды бастау үшін Қайтару батырмасын басыңыз. Қайтару мәліметтерін енгізу үшін шығару терезесі пайда болады. Жібермес бұрын монета, желі түрі, қабылдаушы әмиян мекенжайы және монета сомасы сияқты дұрыс мәліметтерді ұсынғаныңызға көз жеткізіңіз.
“Әзірге Сәйкестік Табылмады” (No Match Found Yet) менің қаражатты шығару сұрауым үшін нені білдіреді?
Бұл шығару бағыты сіз ұсынған алушы ақпаратына сәйкестік таппаған кезде орын алуы мүмкін. Шығару сұрауыңызды әлі де жібере аласыз, және біз мақсатты биржадан жауап алғаннан кейін ол өңделеді. Соңғы мәртебені тексеру үшін бетті жаңартыңыз. Осы процесс барысында шығару сұрауын кез келген уақытта болдырмауға/тоқтатуға болады.
Неге менің шығару сұрауымда “Ақпарат Сәйкестігі Сәтсіз Аяқталды” деп көрсетіледі?
Бұл сіз ұсынған алушы ақпараты алушының мақсатты бағыты бойынша мәліметтермен сәйкес келмегендіктен орын алады. Дұрыс ақпаратты толтырғаныңызға көз жеткізіп, шығару сұрауыңызды қайта жіберіңіз.
Депозиттер мен шығару сұрауларының кез келген сомасы верификацияны талап ете ме?
Иә, депозит пен шығару сұрауының кез келген сомасы верификациядан өтуі мүмкін.
Верификациям сәтсіз аяқталса не болады?
Егер әмиян мекенжайын верификациялау сәтсіз аяқталса, Қайталау батырмасын басу арқылы верификацияны қайта жібере аласыз. Әмиян түрін дұрыс таңдағаныңызға және нақты мәліметтерді енгізгеніңізге көз жеткізіңіз (мысалы, толық аты-жөні және бастамашы/бенефициар деректері).
Верификация сәтсіз аяқталса, қаражатты басқа әмиянға қайтаруды сұрай аламын ба?
Иә, верификация сәтсіз аяқталса, қаражатты басқа әмиян мекенжайына қайтаруды бастай аласыз. Қайтаруды бастау үшін Депозит Тарихы бетінде қажетті транзакция бойынша Қайтару батырмасын басыңыз. Қайтару мәліметтерін енгізу үшін шығару терезесі пайда болады. Қайтаруды бастау үшін монетаны, желі түрін таңдап, қабылдаушы әмиян мекенжайын және монета сомасын енгізіңіз.
Маңызды: Жібермес бұрын барлық қайтару мәліметтерін мұқият қайта тексеріңіз.
Бұл ақпарат үшінші тараптармен бөлісіле ме?
Ақпарат тек заң бойынша талап етілген жағдайда, транзакцияға қатысатын қарсы тараптың ЦАҚҰ-ларымен ғана бөлісіледі және барынша құпия түрде өңделеді. Bybit Kazakhstan клиент деректеріне рұқсатсыз тұлғалардың қол жеткізуіне жол бермеу үшін қатаң қауіпсіздік шараларын қолданады.